बारा, पचरौता नगरपालिका-६ लक्ष्मीनियास्थित पोखरी नजिक गोली प्रहारबाट भारत मोतिहारी दर्पा थाना-१ सुक्लहिया गाउँ बस्ने २२ वर्षीय अजित कुमार सिंहको मंगलबार साँझ मृत्यु भएको छ ।
अजित कुमारसँगै आएका भारतको मोतिहारी दर्पा थाना-१ सुक्लहिया बस्ने २५ वर्षीय सुजित कुमार सिंह, २४ वर्षीय चञ्चल पाञ्डे, २२ वर्षीय मनिष कुमार सहनी र २० वर्षीय कामेश्वर सहनी दुईवटा ‘अन टेष्ट’ लेखिएको दुईवटा मोटरसाईकलमा नेपाल प्रवेश गरी उक्त पोखरी नजिक पुगेपछि सँगै आएका सुजित कुमारले अजित कुमारलाई गोली प्रहार गरी हत्यापश्चात भारततर्फ भागेको खुल्न आएको छ ।
घटनास्थलबाट एक थान गोली र एक थान गोलीको खोका प्रहरीले बरामद गरेको छ । हाल फरार व्यक्तिहरूको खोजी गर्नुका साथै घटना सम्बन्धमा प्रहरीले आवश्यक अनुसन्धान गरिरहेको छ ।
प्रतिक्रिया राख्नुहोस्