राष्ट्रपति रामचन्द्र पौडेलले इन्द्रजात्रा अवलोकन गर्न जुद्धशालिकदेखि वसन्तपुरसम्म पैदल गएर सम्पदा क्षेत्रमा सवारीसाधन निषेध अभियानलाई साथ दिनुभएको भन्दै काठमाडौं महानगरपाालिका प्रमुख बालेन्द्र साहले आभार व्यक्त गर्नुभएको छ ।
महानगप्रमुख साहले सामाजिक सञ्जालमार्फत विश्व सम्पदा क्षेत्रलाई सवारीसाधन निषेधित क्षेत्रमा सवारीसाधन प्रवेश नगराएको भन्दै आभार व्यक्त गर्नुभएको हो ।
उहाँले लेख्नुभएको छ, “सम्माननीय राष्ट्रपत, अन्य विशिष्ट अतिथिहरुले काठमाडौं महानगरको अनुरोध स्वीकार गरिदिएर विश्व सम्पदा क्षेत्रमा सवारी साधन प्रवेश गराइदिनुभएन । उहाँहरु जुद्ध शालिकदेखि पैदल नै गई जात्रा अवलोकन गरिदिनुभयो । हामीलाई विश्वास छ, यसबाट सम्माननीय राष्ट्रपति, अन्य विशिष्ट अतिथिहरुले जात्रा अवलोकन गर्न पैदल जाने अभ्यासलाई संस्थागत बनाउनेछ ।”
“सामान्य जस्तो लागे पनि काठमाडौंका सम्पदा संरक्षणमाा यो अर्को फड्को हो । हाम्रो अनुरोधको परिवर्तनलाई स्वीकार गरिदिनुभएकोमा आभारी छौं । हाम्रो सम्पदा हाम्रो पहिचान !”
प्रतिक्रिया राख्नुहोस्