क्यानडामा जारी त्रिकोणात्मक टी –ट्वान्टी क्रिकेट शृङ्खलाअन्तर्गत आफ्नो दोस्रो खेलमा नेपालले आज ओमानसँग खेल्दैछ । क्यानडाको किङ्ग सिटीमा हुने उक्त खेल नेपाली समयअनुसार राति ९ः४५ बजेदेखि सुरु हुनेछ ।
शनिबार राति भएको उक्त शृङ्खलाको पहिलो खेलमा नेपाल घरेलु टोली क्यानडासँग १४ रनले पराजित भएको थियो । ओमानको भने टी–ट्वान्टी क्रिकेट शृङ्खलामा यो पहिलो खेल हो ।
आज दुवै टोली शृङ्खलाको पहिलो जीतको खोजीमा छन् । यसअघि क्यानडामा भएको क्यानडा, ओमान र नेपालसम्मेलित त्रिकोणात्मक एकदिवसीय शङ्खलाको तीन खेलमा नेपाल पराजित भएको थियो भने ओमान र नेपालबीचको दोस्रो खेल भने रद्द भएको थियो ।
प्रतिक्रिया राख्नुहोस्