शनिबार साँझ कार्यक्षेत्रमा सुरक्षाको माग गर्दै आन्दोलनमा उत्रेका चिकित्सक र सरकारबीच सहमति भएपछि चिकित्सकहरु काममा फर्के लगत्तै आइतबार काठमाडौंमा कुटपिट भएको छ ।
समाचार अनुसा राजधानी काठमाडौंको सिनामंगलस्थित काठमाडौं मेडिकल कलेज (केएमसी) नेफ्रोलोजीको ओपीडीमा कार्यरत इन्टर्न डाक्टर मनिष खड्कामाथि कुटपिट भएको हो ।
अस्पताल प्रबन्धक नारायणप्रसाद दाहालका अनुसार ओपीडीमा परीक्षणका लागि आएका दुईजनामध्ये एकजनाले चिकित्सकमाथि दिउँसो १२ बजेतिर कुटपिट गरेका थिए । चिकित्सकको अवस्था भने सामान्य रहेको छ ।
ओपीडीमा भिडभाड भएको र आफन्तलाई बाहिर बस्नुस् भन्दा चिकित्सकलाई कुटिएको उहाँले बताउनुभयो । कुटपिटमा संलग्न गुल्मीका २२ वर्षीय रुपक गौतम र गुल्मीकै ३४ वर्षीय सरोज गौतमलाई गौशाला प्रहरीले पक्राउ गरेको छ ।
प्रतिक्रिया राख्नुहोस्