चीनमा जारी एसियाली खेलकूद अन्तर्गत टी २० क्रिकेटमा विश्व कीर्तिमान बनाउन सफल दिपेन्द्र सिंह ऐरीलाई प्रहरी महानिरीक्षक वसन्तबहादुर कुँवरले बधाई ज्ञापन गर्नुभएको छ ।
नेपाल पुलिस क्लब क्रिकेट टिमका कप्तानसमेत रहनुभएका राष्ट्रिय खेलाडी ऐरीले १९औँ एशियन खेलअन्तर्गत टी–२० क्रिकेटतर्फ विश्व रेकर्ड राख्न सफल भएको भन्दै प्रहरी महानिरीक्षक कुँवरले बधाई ज्ञापन गर्नुभएको हो ।
सन् २०२३ सेप्टेम्बर २७ मा मङ्गोलिया विरुद्धको खेलमा राष्ट्रको प्रतिनिधित्व गर्दै राष्ट्रिय पुरूष क्रिकेट टिमको तर्फबाट आफूले सामना गरेको पहिलो ६ बलमा ६ छक्का प्रहार गर्दै ९ बलमा अर्धशतक पूरा गरी उहाँले कीर्तिमान कायम गर्नुभएको थियो ।
प्रहरी महानिरीक्षक कुँवरले आज नेपाल प्रहरीको तर्फबाट कप्तान ऐरीलाई हार्दिक बधाई दिनुको साथै नेपाली खेलाडीलाई सफलताको शुभकामना व्यक्त गर्नुभयो ।
प्रतिक्रिया राख्नुहोस्