गोकर्णेश्वरको जगडोलमा लुटेरा समूहमाथि प्रहरीको गोली
काठमाडौंको गोकर्णेश्वर नगरपालिका जगडोलमा लुटेरा समूहमाथि प्रहरीले गोली चलाउँदा एकजना घाइते भएका छन् भने दुईजनालाई पक्राउ गरिएको छ ।
समाचार अनुसार राष्ट्रिय शहीद पार्क रहेको जगडोलमा लुटेरा समूह आएको खबर पाएपछि उपत्यका अपराध अनुसन्धान कार्यालयका प्रहरी पुग्दा लुटेरा समूहले हतियार निकालेपछि प्रहरीले गोली चलाएको हो ।
उपत्यका अपराध अनुसन्धान कार्यालयका प्रवक्ता एसपी रवीन्द्र रेग्मीले प्रहरीले आत्मरक्षाका लागि गोली चलाएको जानकारी दिंदै गोली लागेर सिन्धुलीका सन्तोष घनाल घाइते भएको र तीनजना नियन्त्रणमा लिइएको बताउनुभयो ।
उहाँले भन्नुभयो, “लुटेरा समूह आएको जानकारी पाएपछि हामी पुगेका थियौं, चेकजाँचका क्रममा उनीहरुले हतियार निकाले । आत्मरक्षाका लागि हामीले पहिले गोली चलायौं ।”
घाइते युवकको नेपाल मेडिकल कलेज अत्तरखेलमा उपचार भइरहेको छ । उक्त घटनामा शान्त लामा र जितेन लामालाई प्रहरीले नियन्त्रणमा लिइएको छ ।
उनीहरुको साथबाट सात राउण्ड गोली, एउटा पेस्तोलसहित दुईवटा मोटरसाइकल बरामद गरिएको प्रवक्ता रेग्मीले बताउनुभयो
प्रतिक्रिया राख्नुहोस्