एक व्यवसायीबाट ३० लाख रुपैयाँ असुल गरेको घटनामा मुछिएपछि निलम्बनमा परेकी ललितपुरको भैँसेपाटी प्रहरी प्रभागकी तत्कालीन प्रमुख बिनुकुमारी शाहीविरुद्ध पक्राउ पुर्जी जारी भएको छ ।
३० लाख रुपैयाँ असुली गरेको घटनाबारे छानबिन गर्न बनेको समितिको सिफारिसको आधारमा चालक हमाल र शाहीलाई पनि पक्राउ गरेर अनुसन्धान गर्नुपर्ने देखिएको हो ।
जिल्ला प्रहरी परिसर ललितपुरका अनुसार शाहीविरुद्ध पक्राउ पुर्जी जारीसँगै थप अनुसन्धानको कार्य अघि बढ्ने बताइएको छ । ललितपुर प्रहरीले यस सम्बन्धमा अनुसन्धान गरी सो प्रतिवेदन अदालतमा बुझाइने बताएको छ ।
प्रहरी निरीक्षक शाही पक्राउ पुर्जी जारी भएलगत्तै सम्पर्कमा नरहेको र खोजी जारी रहेको बताइएको छ । यसअघि, प्रहरीले शाहीका सवारी चालक सहायक हवल्दार महेन्द्र हमाललाई समेत पक्राउ गरिसकेको छ ।
एक व्यवसायीबाट ३० लाख रुपैयाँ असुल गरेको घटनामा इन्स्पेक्टर शाहीको भूमिका शंकास्पद देखिएपछि शाहीलाई निलम्बन गरिएको थियो ।
प्रतिक्रिया राख्नुहोस्