सहकारीको बचत रकम अपचलनको मुद्दामा पक्राउ पर्नुभएका पूर्वगृहमन्त्री तथा राष्ट्रिय स्वतन्त्र पार्टी (रास्वपा)का सभापति रवि लामिछानेविरुद्धको मुद्दाको फाइल न्यायाधीश नवराज दाहालको इजलासमा परेको छ ।

 लामिछानेविरुद्धको मुद्दा एक नम्बर न्यायाधीशकै बेञ्चमा परेको हो । जिल्ला अदालत कास्कीले आइतबार म्यादसम्बन्धी फाइलहरु हेर्नका लागि न्यायाधीश दाहाललाई जिम्मेवारी तोकेको अदालत स्रोतले जानकारी दिएको छ ।

पोखराको सूर्यदर्शन सहकारीको रकम अपचलनमा संलग्न भएको आरोपमा सभापति लामिछानेलाई काठमाडौँबाट पक्राउ गरी शनिबार बिहान पोखरा ल्याइएको थियो । उहाँलाई आजै अदालत सामु उपस्थित गराउने तयारी भइरहेको जिल्ला प्रहरी कार्यालय कास्कीले जनाएको छ ।

आइतबार लामिछानेलाई अदालतल पेश गर्ने तयारीकाबीच सडकमा रास्वपा समर्थकको बाक्लो भीड लागेको छ । उनीहरुले सहकारी पीडितलाई न्याय दे, निर्दोष फसाउन पाइँदैन भन्दै नारा लगाइरहेका छन् । सहकारी पीडित र रास्वपा कार्यकर्ताहरु प्रदर्शनमा उत्रिँदा तनाव सिर्जना हुनसक्ने भएकाले पोखराको सुरक्षा व्यवस्था चुस्त पारिएको छ ।

पोखरामा नियन्त्रण गर्न नसकिने भीड, सुरक्षा सम्वेदनशीलतालाई ध्यान दिन प्रजिअको अनुरोध

पोखराका केही क्षेत्रमा निषेधाज्ञा जारी, प्रहरी र प्रदर्शनकारीबीच घम्साघम्सी