एएफसी यु-१७ एसियन कप २०२४ छनोटको आफ्नो पहिलो खेलमा नेपालले जापानसँग फराकिलो हार व्यहोरेको छ । बुधबार राति भएको खेलमा नेपाल जापानसँग ९-२ ले पराजित भएको हो ।
कतारको दोहास्थित हमद बिन खालिफा स्टेडियममा भएको एकतर्फी खेलमा खेलको १२ औं मिनेटमा नेपालका सविनकुमार मगरले गोल गर्दै टोलीलाई अग्रता दिलाएका थिए । तर, जापानले खेलको १७ औं मिनेटमा दाइची तानीको गोलमार्फत खेल बराबरीमा ल्यायो । तानीलेह्याट्रिक पूरा गरे।
त्यस्तै जापानका लागि हिरोता असादाले १९ औं मिनेटमा गोल गर्दै टोलीको अग्रता दोब्बर बनाए । यस्तै खेलको ३८ औं र ४३ औं मिनेटमा तानीली थप दुई गोल गर्दै आफ्नो ह्याट्रिक पूरा गर्दा जापान ४-१ ले अघि रह्यो । यस्तै पहिलो हाफको इन्जुरी समयमा असादाले दोस्रो गोल र्दै जापानलाई ५-१ को अग्रता दिलाए ।
त्यस्तै तानीले ६१ औं मिनेटमा चौथो गोल गर्दा जापान 6-० ले अघि रह्यो भने असादाले आफ्नो ह्याट्रिक पूरा गर्ने क्रममा खेलको ६४ औं मिनेटमा गोल गर्दा जापान ७-१ ले अघि रह्यो ।
त्यसपछि खेलको ७३ औं मिनेटमा मिबुकी कासाइले र कैजी चोनानले ७७ औं मिनेटमा गोल गर्दै जापानलाई ९-१ को स्थितिमा पुर्याए । नेपालका तर्फबाट बिज्ञान खड्काले खेलको ८८ औं मिनेटमा अर्को गोल गरे पनि त्यो ढिलो भैसकेको थियो ।
जितसँगै जापानले समूह ‘एफ’मा तीन अंक प्राप्त गरेको छ । नेपालले शुक्रबार दोस्रो खेल शुक्रबार कतारसँग खेल्नेछ भने जापानले मंगोलियासँग खेल्नेछ।
प्रतिक्रिया राख्नुहोस्