नेपालमा अंगीकृत नागरिकताका सवालमा ठूलो विवाद उत्पन्न भैरहेका बेला बेलायतमा भारतीय मूलका ऋषि सुनक प्रधानमन्त्री भएपछि यसका पक्षधरहरुमा बल थपिएको छ ।
आप्रवासी ऋषि बेलायतको प्रधानमन्त्री बन्न सक्छन् भने नेपालमा आप्रवासी किन नपाउने भन्ने उनीहरुको तर्क रहने गरेको छ । तर ऋीष सुनक भारतीय मूलका भए पनि बेलायती हुन, भारतीय हैनन् ।
यसै विषयमा ग्रेटर नेपाल राष्ट्रवादी मोर्चाका अध्यक्ष फणिन्द्र नेपालले सामाजिक सञ्जालमा एउटा पोष्ट गर्दै अंगीकृतहरु राज्यको उच्च तहमा पुग्न पाउनुपर्छ भन्ने पक्षमा लागेकाहरुलाई गतिलो जवाफ दिनुभएको छ ।
उहाँले अहिले ऋषि सुनक ब्रिटेनको प्रधानमन्त्रीमा चयन भएपछि नेपालका इन्डियाली आप्रवासी भुइँमा न भाँडामा भएर नेपालले ती आप्रवासीमाथि विभेद गरेर प्रधानमन्त्री हुन नदिएको भनेर रोइकराइ गर्दै छन् । तर तिनले बुझ पचाएको कुरा के हो भने सुनकको जन्म ब्रिटेनमै भएको हो भने ओवामा अमेरिकामै जन्मेका हुन् ।
नेपालले आप्रवासी र मूलमा के अन्तर छ त्यो स्पष्टसँग बुझौँ भन्दै लेख्नुभएको छ, “नेपाल लेख्नुहुन्छ, बाराक ओबामाले अमेरिकाविरुद्ध हुने गरी के गरे र ? ऋषि सुनकले पनि ब्रिटेनविरुद्ध कुनै दुष्कर्म नगर्लान् । तर इन्डियाली आप्रवासी राजेन्द्र महतोले मन्त्री भएर पहाडी समुदायविरुद्ध के(के बोलेका थिए ? महन्त ठाकुरले एक मधेस हुँदैनभने एक नेपाल पनि रहँदैन भनेको होइन ?”
उहाँ थप स्पष्ट गर्दै लेख्नुहुन्छ- “नेपाली काँग्रेसबाट सूचना तथा सञ्चार मन्त्री रहिसकेका जयप्रकाश गुप्ताले तराईमाथि काठमाडौंको नियन्त्रण नरहन सक्छ भनेको विस्मृत भइसकेको छैन ।”
प्रतिक्रिया राख्नुहोस्