स्थानीय बजारमा आज बिहीबार सुनको मूल्य ह्वात्तै घटेको छ । आज सुन प्रतितोला रु चार हजारले घटेको हो ।
नेपाल सुनचाँदी व्यवसायी महासङ्घले आजका लागि छापावाला सुन प्रतितोला रु एक लाख ६४ हजार पाँच सय तोकेको छ । यसअघि बुधबार छापावाला सुन प्रतितोला रु एक लाख ६८ हजार पाँच सयमा खरिदबिक्री भएको थियो । यस्तै चाँदीको मूल्यमा प्रतितोला रु ५५ ले घटेको छ ।
महासङ्घले एक तोला चाँदीको मूल्य रु एक हजार ९६० तोकेको छ । यसअघि चाँदी प्रतितोला रु दुई हजार १५ मा कारोबार भएको थियो । अन्तर्राष्ट्रिय बजारमा आज सुन प्रतिऔंस २६ सय ५९ अमेरिकी डलरमा कारोबार भइरहेको छ ।
अमेरिकामा डोनाल्ड ट्रम्प राष्ट्रपति बनेसँगै त्यसको प्रभाव सुनको भाउमा पनि परेको हो । उहाँको विजयसँगै डलरको मूल्य उच्च भएको छ । यसका साथै सेयर बजार बढेको र बिटक्वाइनले नयाँ रेकर्ड कायम गरेको छ ।
प्रतिक्रिया राख्नुहोस्