राष्ट्रिय प्रजातन्त्र पार्टी नेपालका अध्यक्ष कमल थापाले निर्वाचन वहिस्कार गरी बिथोल्ने घोषणा गरेको नेत्रविक्रम चन्द ‘विप्लव’ नेतृत्वको नेकपासंग भएको सम्झौता कार्यान्वयन गर्न माग गर्नुभएको छ ।
थापाले आज ट्वीट गर्दै चुनाव शान्तिपूर्ण र भयरहित वातावरणमा सम्पन्न गर्न निर्वाचन विथोल्ने कार्यमा संलग्न रहेको विप्लव नेतृत्वको माओवादीसंग यसअघि भएको सम्झौता कार्यान्वयन गर्न माग गर्नुभएको छ ।
उहाँले तत्कालीन केपी ओली सरकारले विप्लव नेतृत्वको माओवादीलाई राष्ट्रिय राजनीतिको मुलधारमा ल्याएको तर वर्तमान सरकारले सम्झौता कार्यान्वयन नगरेको आरोप लगाउनुभएको छ ।
थापाले लेख्नुभएको छ- “तत्कालीन केपी ओली सरकारले विप्लव नेतृत्वको माओवादीलाई राष्ट्रिय राजनीतिको मुलधारमा ल्याएको थियो । तर,सरकारसँग भएको सम्झौता गठवन्धन सरकारले कार्यान्वयन नगर्दा सो दल निर्वाचन विथोल्ने कार्यमा क्रियाशील भएको छ । त्यसर्थ, सम्झौता कार्यान्वयन गरी निर्वाचन भयरहित बनाउन सरकारसँग आग्रह गर्दछु ।”
प्रतिक्रिया राख्नुहोस्