संसदीय सुनुवाइ समितिले सर्वोच्च अदालतका लागि प्रस्तावित दुई न्यायाधीश नृपध्वज निरौला र नित्यानन्द पाण्डेमाथि सुनुवाइ गरी सर्वसम्मतिले अनुमोदन गरेको छ ।
सिंहदरबारमा आज बसेको समितिको बैठकले प्रस्तावित न्यायाधीश सर्वसम्मतिले अनुमोदन गरेको समितिका सभापति (ज्येष्ठ सदस्य) पशुपति शमशेर राणाले जानकारी दिनुभयो ।
प्रस्तावित न्यायाधीशद्वयले न्यायालय सुधारका कार्ययोजना प्रस्तुत गर्नुभएको थियोे । समितिमा प्रस्तावित न्यायाधीश निरौलाविरुद्ध दुई वटा उजुरीसमेत परेको थियो ।
समितिले अनुमोदन गरेपछि राष्ट्रपतिले सर्वोच्च अदालतको न्यायाधीश नियुक्त गर्ने संवैधानिक व्यवस्था छ ।
प्रतिक्रिया राख्नुहोस्