नेपाली सेनाले १० जना आगोले पोलेका घाइतेको हवाई उद्धार गरेको छ । गत आइतबार भएको आगलागी निभाउन जाने क्रममा गम्भीर घाइते भएर उपचार गराइरहेकाहरुलाई थप उपचारका लागि सेनाले काठमाडौं ल्याएको हो ।
यही कात्तिक २६ गते मोरङको उर्लाबारी–७ बरगाछीस्थित दीपक कार्कीको घरमा आगलागी हुँदा निभाउन गएका चार जना प्रहरी र २३ जना सर्वसाधारण घाइते भएका थिए ।
घाइतेमध्ये २७ जनामध्ये तत्काल झापाका अस्पताल लगिएका १० जनालाई नेपाली सेनाको विमानद्वारा चन्द्रगढीबाट काठमाडौँ ल्याइएको हो ।
कार्कीको घरमा भएको आगलागीमा घाइते भएका १४ जनालाई हिजो सोमबार नेपाली सेनाको विमानद्वारा विराटनगरबाट काठमाडौँ ल्याइएको थियो ।
प्रतिक्रिया राख्नुहोस्