जापानमा अध्ययनरत नेपाली विद्यार्थीहरुलाई हरेक वर्ष छात्रवृत्ति प्रदान गर्दैआएको गैरआवासीय नेपाली संघ राष्ट्रिय समन्वय समिति (एनआरएनए) जापानले यस वर्ष छात्रवृत्ति प्राप्त गर्ने विद्यार्थीहरुको नाम सार्वजनिक गरेको छ ।
एनआरएनए जापाको समन्वय र जापानस्थित अन्तर्राष्ट्रिय मानव संसाधन विनिमय सहयोग संगठन (सार्वजनिक हित समावेशी फाउन्डेसन) 公益財団法人国際人材交流支援機構 (आईएचएनओ)सँगको सहकार्यमा छात्रवृत्ति प्रदान हुँदैआएको छ ।
जापानमा भाषा, सेन्मोन तथा दाईगाक्को अध्यनरत नेपाली विद्यार्थीहरुलाई मासिक प्रतिव्यक्ति ३० हजारसम्म जापानी येन प्राप्त गर्ने गरी छनोट गरिएको हो ।
आइतबार आवेदन प्राप्त २ सय ४३ विद्यार्थीबाट गोलाप्रथामार्फत ७० जना विद्यार्थीहरुलाई छनोट गरिएको एनआरएनए जापानले सार्वजनिक विज्ञप्तिमार्फत जानकारी दिएको हो ।
विज्ञप्तिमा एनआरएनए जापान र आईएचएनओ द्वरा निर्धारण गरिएका योग्यता र मापदण्डमा आधारित रही संकलित आवेदनका आधारमा एनआरएनए जापान राष्ट्रिय समन्वय परिषद्का पदाधिकारी, सदस्य क्षेत्रीय समितिका पदाधिकारी सदस्य र आईएचएनओ प्रतिनिधिको भौतिक तथा भर्चुअल रुपमा उपस्थितिमा विद्यार्थीहरुलाई छनोट गरिएको बताइएको छ ।
छात्रवृत्तिको प्रकार र प्राप्त गर्ने विद्यार्थीहरुको सूची
प्रतिक्रिया राख्नुहोस्