मृत अवस्थामा देशका विभिन्न स्थानबाट चार जना फेला परेका छन् । कपिलवस्तु, शुद्धोधन गाउँपालिका-६ सइयाँस्थित खेतमा मायादेबी गाउँपालिका-१ पकडी बस्ने ३० वर्षीया सरिता जैशवाल बिहीबार मृत अवस्थामा फेला परेकी छिन् ।
त्यस्तै ओखलढुंगा, खिजिदेम्वा गाउँपालिका-६ साल्मे बस्ने ८२ वर्षीया ठगमाया सुनुवार आफ्नै घरमा बिहीबार मृत अवस्थामा फेला परेकी छिन् । यस्तै रूकुम पूर्व, पुथाउत्तरगंगा गाउँपालिका-११ दमचन बस्ने ६५ वर्षीय ओमभक्त घर्ती सोही गाउँपालिका-११ लामोटोल शिरानस्थित जंगलमा बिहीबार मृत अवस्थामा फेला परेका छन् ।
उता सप्तरी, राजबिराज नगरपालिका-८ पानि टंकी टोल डेरा गरी बस्ने तिलाठी कोलाइडी गाउँपालिका-१ घर भएका ४५ वर्षीय अमन सिंह राजपुत आफ्नै कोठामा बिहीबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।
प्रतिक्रिया राख्नुहोस्