मकवानपुर, मनहरी गाउँपालिका-६ प्रतापुर लच्का बस्ने जित बहादुर मोक्तानको हत्या गरेको अभियोगमा सोही ठाउँ बस्ने ३४ वर्षीय अम्मर बहादुर लोप्चनलाई गए राति प्रहरीले पक्राउ गरेको छ ।
अम्मर बहादुरले सावेल प्रहार गरी जित बहादुरलाई घाइते बनाएको भन्ने खबर प्राप्त हुनासाथ प्रहरी चौकी सुनाचुरीबाट खटिएको प्रहरीले उनलाई पक्राउ गरेको हो । सावेल प्रहारबाट गम्भीर घाइते भएका जित बहादुरको भरतपुर सरकारी अस्पताल चितवनमा उपचारको क्रममा मृत्यु भएको हो ।
यस सम्बन्धमा प्रहरीले आवश्यक अनुसन्धान गरिरहेको छ ।
प्रतिक्रिया राख्नुहोस्