आइतबार सम्पन्न स्थानीयतह उपनिर्वाचन, २०८१ को थप नतिजा आउनेक्रम जारी छ । पछिल्लो मत परिणाम अनुसार काठमाडौँ महानगरपालिका वडानम्बर १६ को वडाध्यक्ष पदमा राष्ट्रिय स्वतन्त्र पार्टी (रास्वपा)की रोजिना श्रेष्ठ विजयी हुनुभएको छ ।
पालिकाहरुमा रास्वपाको यो पहिलो सहभागिता र विजय हो । २०७९ सालमा भएको स्थानीय तह निर्वाचनमा रास्वपा स्थापना नै भएको थिएन ।
विजयी श्रेष्ठले दुई हजार नौ सय दुई मत प्राप्त गर्नुभयो भने उहाँका निकटतम प्रतिस्पधी नेकपा (एमाले)का उम्मेदवार लक्ष्मीरत्न महर्जनले दुई हजार दुई सय २० मत प्राप्त गर्नुभयो ।
यसअघि सो वडामा नेपाली कांग्रेसबाट विजयी तत्कालीन वडाध्यक्षमुकुन्द रिजालको निधन भएको थियो । उपनिर्वाचनमा कांग्रेस तेस्रो स्थानमा खुम्चिएको छ ।
प्रतिक्रिया राख्नुहोस्