सूचना प्रविधिको विकास र यसको प्रयोगमा आएकोा व्यापकतासंगै सकारात्मक र नकारात्मक दुबै असर समाजमा देखिएका छन् ।
राम्रो काम गर्न चाहनेलाई प्रविधि सहायक बनेको छ भने अपराध कर्मका लागि पनि यसको दुरुपयोग भैरहेको छ । पछिल्लो समय अनलाइनमार्फत यौन व्यवसाय सञ्चालनमा गिरोह नै सक्रिय रहेको तथ्य सार्वजनिक भएको छ ।
प्रहरीको काठमाडौँ उपत्यका अपराध अनुसन्धान कार्यालयको टोलीले काठमाडौँको दरबारमार्ग, नयाँ बसपार्क, तिलेङ्गेटार, बानेश्वरलगायत स्थानमा यौन व्यवसाय सञ्चालन गर्ने गिरोहलाई पक्राउ गरी आज सार्वजनिक गरेको हो ।
पक्राउ पर्नेमा रामेछापका २७ वर्षीय छत्रबहादुर रोक्का, ओखलढुङ्गाका ३३ वर्षीय गोपाल थापा, सिन्धुलीका ४४ वर्षीय सेते कार्की, सल्यानका २५ वर्षीय शिवराज परियार र नुवाकोटका ३० वर्षीय अमृत रोक्का रहेका छन् ।
कार्यालयका प्रवक्ता, प्रहरी उपरीक्षक रवीन्द्र रेग्मीले सामाजिक सञ्जालको प्रयोगगरी विभिन्न प्रलोभन देखाएर यौन व्यवसाय सञ्चालन गरेकामा उनीहरूलाई पक्राउ गरिएको जानकारी दिनुभयो । पक्राउ परेकासँग आवश्यक अनुसन्धान भइरहेको प्रवक्ता रेग्मीले बताउनुभयो ।
प्रतिक्रिया राख्नुहोस्