सवारी दुर्घटनामा दुई जनाको मृत्यु

धनुषा र झापामा भएको सवारी दुर्घटनामा दुई जनाको मृत्यु भएको छ । धनुषा, धनुषाधाम नगरपालिका-६ जगदेवपुल नजिक सडकमा ढल्केवरबाट सिरहातर्फ जाँदै गरेको ज.१ त ४६१६ नम्बरको ट्याक्टर अनियन्त्रित भई मंगलबार बिहान दुर्घटना हुँदा चालक महोत्तरी भंगहा नगरपालिका-४ रामनगर बिर्ता बस्ने २८ वर्षीय सुनिल दासको मृत्यु भएको छ ।

दुर्घटनामा गम्भीर घाइते भएका उनको मोडल अस्पताल लालगढमा उपचारको क्रममा मृत्यु भएको हो । त्यस्तै झापा, मेचीनगर नगरपालिका-११ तेलिबारीस्थित सडकमा बागमती प्रदेश ०१- ००६ ख ४९०९ नम्बरको बस र मे.१० प ३५७२ नम्बरको मोटरसाइकल एकआपसमा ठक्कर खाई मंगलबार दिउँसो दुर्घटना हुँदा मोटरसाइकल चालक भद्रपुर नगरपालिका-१० शहिद चोक बस्ने ५५ वर्षीय किसन न्यौपानेको मृत्यु भएको छ ।

दुर्घटनामा गम्भीर घाइते भएका उनको विएण्डसी अस्पताल विर्तामोडमा उपचारको क्रममा मृत्यु भएको हो । बस चालकलाई प्रहरीले नियन्त्रणमा लिएको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।