जन सरोकार
पासोमा फसेको चितुवाको उद्धार
कञ्चनपुर, शुक्लाफाँटा नगरपालिका–८ प्रगति महिला सामुदायिक वनमा शिकारीले बदेल मार्नका लागि थापेको पासोमा परेको चितुवाको १८ घण्टापछि सोमबार उद्धार गरिएको छ । आइतबार साँझ चोर शिकारीले थापेको पासोमा चितुवा परेको हो ।
![पासोमा फसेको चितुवाको उद्धार पासोमा फसेको चितुवाको उद्धार](https://www.nepaljapan.com/wp-content/uploads/2023/12/leopard-e1701740042766.jpeg)
चितुवालाई बेहोस (डार्ट) गरेर शुक्लाफाँटा राष्ट्रिय निकुञ्जको प्राविधिक टोलीले उद्धार गरेको वडाध्यक्ष बहादुरसिंह महराले बताउनुभयो । उद्धार गरिएको चितुवालाई निकुञ्जको सुरक्षित स्थानमा छाडिएको छ । पासोमा फसेको भाले वयस्क अवस्थाको चितुवा रहेको छ ।
गतवर्ष शिकारीले बदेल मार्न थापेको पासोमा परेर यसै क्षेत्रमा दुई वटा चितुवा मृत अवस्थामा फेला परेका थिए । चुरे क्षेत्र नजिकका सामुदायिक वन चितुवाको वासस्थानका रुपमा रहेका छन् ।
प्रतिक्रिया राख्नुहोस्