राष्ट्रपति पदको शपथ लिएपछि डोनाल्ड ट्रम्पले एक टिभी च्यानललाई दिएको अन्तर्वार्तामा आफ्नो एजेण्डा खुलाउँदै जन्मआधारमा अमेरिकी नागरिकता पाउने अधिकार खारेज गर्ने बताउनु भएको छ ।
ट्रम्पले अमेरिकामा रहेका गैरकानुनी आप्रवासीहरूलाई देशबाट निष्कासन गर्ने आफ्नो योजना फेरि दोहोर्याउनुभएको छ । उहाँले ड्रिमर्स आप्रवासीहरूको संरक्षणका लागि कदम चाल्ने कुरा पनि गर्नुभयो ।
ड्रीमर्स आप्रवासीहरू ती आप्रवासीहरू हुन् जो बाल्यकालमा अमेरिका आएका थिए र उनीहरुसंग कुनै कागजातहरू छैनन् ।
एनबीसी न्यूजसँगको अन्तर्वार्तामा ट्रम्पले आफ्नो कार्यकालको पहिलो दिनमा नै जन्मको अमेरिकी नागरिकताको अधिकार खारेज गर्ने बताउनुभएको थियो ।
अमेरिकी संविधानको १४ औं संशोधन अनुसार अमेरिकामा जन्मेका कुनै पनि बालबालिकाले जन्मिनेबित्तिकै अमेरिकी नागरिकता पाउनेछन् । तर, ट्रम्पको यस्तो निर्णयले कानुनी अवरोधको सामना गर्न सक्छ ।
नाटो छोड्ने विचार
अन्तर्वार्ताका क्रममा ट्रम्पले नाटोका बारेमा राष्ट्रपति बनेपछि आफू त्यसबाट बाहिरिने विषयमा गम्भीरतापूर्वक विचार गर्ने बताउनुभयो थियो । साथै उहाँले गर्भपतन चक्की प्रतिबन्ध नगर्ने वाचा पनि गर्नुभयो ।
ट्रम्पले राष्ट्रपति बनेपछि फेडरल रिजर्भ (सेन्ट्रल बैंक)का अध्यक्ष जेरोम पावेललाई राजीनामा दिन आग्रह गर्ने कुनै योजना नभएको बताउनुभयो ।
क्यापिटल हिल हिंसाका दोषीलाई माफी दिने
ट्रम्पले राष्ट्रपति बनेलगत्तै क्यापिटल हिल घटनाका दोषीलाई माफी दिने कदम चाल्ने वाचा गर्नुभएको छ । सन् २०२० को राष्ट्रपतीय निर्वाचनमा ट्रम्प पराजित भएपछि जनवरी ६, २०२१ मा उनका केही समर्थक क्यापिटल हिल (अमेरिकी संसद)भित्र पसेर लुटपाट गरेका थिए ।
सन् २०२१ मा ट्रम्प समर्थकहरूले अमेरिकी संसद भवन युएस क्यापिटल हिलमा प्रदर्शन गर्दै चुनावी नतिजा खारेज गर्न माग गरेका थिए ।
ट्रम्पको निर्णय कानुनी समस्यामा पर्न सक्छ
विज्ञहरू भन्छन् कि ट्रम्पका धेरै योजनाहरूले अदालतमा कठिनाइहरूको सामना गर्न सक्छ । यसबाहेक, नाटोबाट अलग हुने उनीहरूको योजनाले अमेरिकी क्याम्पका देशहरूमा असहजता सिर्जना गर्न सक्छ।
प्रतिक्रिया राख्नुहोस्