राजधानीमा जारी नेपाल प्रिमियर लिग (एनपिएल) मा सुदूरपश्चिम रोयल्सले जनकपुर बोल्टस सामू जितको लागि एक सय २४ रनको लक्ष्य दिएको छ ।
कीर्तिपुरस्थित त्रिवि क्रिकेट मैदानमा टस हारेर पहिले ब्याटिङ गरेको सुदूरपश्चिमले निर्धारित २० ओभरमा ९ विकेटको क्षतिमा एक सय २३ रन बनाएको हो ।
सुदूरपश्चिमका लागि ओपनर विनोद भण्डारीले सर्वाधिक ३३ रन बनाए सैब जैबले २३ रन जोडे । त्यस्तै इशान पाण्डेले १७,ब्रान्डन म्याकमुलेनले ११ रन बनाउनु बाहेक अन्य खेलाडीले दोहोरो अंकमा रन जोड्न सकेनन् ।
जनकपुरका लागि किशोर महतोले चार विकेट लिए भने , शेर मल्ल र अरनिको यादवले समान दुई-दुई विकेट लिँदा तथा हर्श ठाकरको भागमा एक विकेट रह्यो । जारी एनपिएलमा चार खेल खेलेको जनकपुर बोल्ट्स सबै खेलमा विजयी भएको छ । सुदूरपश्चिम रोयल्सले चार खेलमध्ये तीनमा जित निकालेको छ ।
प्रतिक्रिया राख्नुहोस्