मृत अवस्थामा चार जना फेला

देशका विभिन्न स्थानबाट मृत अवस्थामा चार जना फेला परेका छन् । गोरखा, बारपाक सुलिकोट गाउँपालिका-२ बारपाक बस्ने ७१ वर्षीय गुन बहादुर घले सोही ठाउँस्थित बाँसको झ्याङ नजिकै मंगलबार मृत अवस्थामा फेला परेका छन् ।

त्यस्तै इलाम, सूर्योदय नगरपालिका-१० फिक्कल बजार डेरा गरी बस्ने स्याङ्जा वालिङ घर भएका ५० वर्षीय अमृत ढुङ्गाना आफ्नै कोठामा मंगलबार मृत अवस्थामा फेला परेका छन् । यता काठमाडौं महानगरपालिका-८ पशुपति बनकाली पार्किङ नजिकै हाल वतन नखुलेका अन्दाजी ३५ वर्षीय ईन्द्र बहादुर घले नाम बताउने पुरूष मंगलबार मृत अवस्थामा फेला परेका छन् ।

उता कास्की, पोखरा महानगरपालिका-२६ भगवती हाईड्रोपावरको ड्याममा हाल नाम, थर, वतन नखुलेका अन्दाजी ६० वर्षीय पुरूष मंगलबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।