गैरआवासीय नेपाली संघ राष्ट्रिय समन्वय परिषद् जापानले आउँदो जनवरी २१ का दिन वार्षिक नीति तथा योजना तर्जुमाका लागि क्षेत्रीय भेलाको आयोजना गर्ने भएको छ ।
एनआरएनएको विधान २०२१ को संशोधन सहितको विधान २०२३ को परिच्छेद ४ को दफा ३ मा उल्लेखित क्षेत्रीय भेलाको प्रावधान बमोजिम जापानमा रहेका क्षेत्रीय समितिको भेला आयोजना गर्न लागिएको हो ।
भेलामा क्षेत्रीय समितिहरुको वार्षिक नीति तथा योजनासँगै राष्ट्रिय समन्वय परिषद् जापानको वार्षिक नीति तथा योजना बारेमा प्रशिक्षण दिइने बताइएको छ ।
सन् २०२४ जनवरी २१ तारिख आइतबार एनआरएनए जापानको आयोजना तथा सिजुओका क्षेत्रीय समितिको स्थानीय व्यवस्थापनमा क्षेत्रीय भेला हुने भएकोले एनआरएनएका अभियन्ता, पदाधिकारी र सदस्यहरु एवं सम्पूर्ण क्षेत्रीय समितिका पदाधिकारी र सदस्यहरुलाई उपस्थितिकका लागि अनुरोध गरिएको छ ।
यसै गरी भेलामा एनआरएनसंग चासो र सरोकार राख्ने सम्पूर्ण जापानबासी नेपाली दाजुभाइ दिदीबहिनीहरुमा पनि उपस्थितिको लागि अनुरोध गरिएको छ ।
प्रतिक्रिया राख्नुहोस्