देशका विभिन्न स्थानबाट मृत अवस्थामा छ जना फेला परेका छन् । ओखलढुंगा, चिशंखुगढी गाउँपालिका-१ बाङगे दोभानस्थित दुधकोशीको किनारमा सोलुखुम्बु नेचासल्यान गाउँपालिका-३ डाँडागाउँ बस्ने ७० वर्षीय मुक्तिनाथ कटेल बुधबार मृत अवस्थामा फेला परेका छन् ।
त्यस्तै सप्तरी, रूपनी गाउँपालिका-१ रूपनी बजारस्थित नवनिर्मित सामुदायिक भवनको दोस्रो तलाको कोठामा हाल नाम, थर, वतन नखुलेका अन्दाजी ३० वर्षीय पुरूष बुधबार मृत अवस्थामा फेला परेका छन् । यस्तै भक्तपुर, सूर्यविनायक नगरपालिका-८ सिपाडोल भाइरल प्लानिङ बस्ने काभ्रे चौरी देउराली गाउँपालिका-६ घर भएका ३२ वर्षीय निमा तामाङ आफ्नै कोठामा मंगलबार मृत अवस्थामा फेला परेका छन् ।
यता काठमाडौं महानगरपालिका-२५ बाङ्गेमुढा डेरा गरी बस्ने ४५ वर्षीया पुनम गुरूङ आफ्नै कोठामा मंगलबार मृत अवस्थामा फेला परेकी छिन् । उता बारा, फेटा गाउँपालिका-२ जगतपुर डेरा गरी बस्ने भारत बिहार घर भएका ५० वर्षीय संजिब कुमार झा आफ्नै कोठामा मंगलबार मृत अवस्थामा फेला परेका छन् ।
यसैगरी सप्तरी, राजगढ गाउँपालिका-२ बनिनियास्थित कुलोमा भारत दरभंगा ग्राम पंचायत सयामपुर बस्ने ५५ वर्षीय श्रीकान्त लाल देव मंगलबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।
प्रतिक्रिया राख्नुहोस्