नेपाल कम्युनिष्ट पार्टी (माओवादी केन्द्रका) अध्यक्ष पुष्पकमल दाहाल ‘प्रचण्ड’ले नेपाल प्रिमियर लिग (एनपिएल) एनपिएल नेपाली खेलाडीको क्षमता विकासमा सहयोगी रहेको बताउनुभएको छ ।
एनपिएलको फाइनल संस्करण पूरा भएर जनकपुर बोल्ट्सले उपाधि जितेकोमा सामाजिक सञ्जालमार्फत बधाई दिदै उहाँले सो कुरा बताउनुभएको हो ।
अध्यक्ष प्रचण्डले सन्देशमा उपविजेता सुदूरपश्चिम रोयल्सलाई पनि बधाई ज्ञापन गगर्दै उक्त खेलले नेपाली खेलाडीको क्षमता विकासमा सहयोग पुगेको बताउनुभयो ।
अध्यक्ष प्रचण्डले भन्नुभएको छ, “एनपिएल पहिलो संस्करणको उपाधि जित्न सफल जनकपुर बोल्ट्सलाई हार्दिक बधाई । प्रतियोगिताको उपविजेता सुदूरपश्चिम रोयल्सलाई पनि बधाई ज्ञापन गर्दछु ।”
उहाँले भन्नुभयो, “नेपाली क्रिकेटको महापर्व एनपिएल भव्य र सभ्य रूपमा सम्पन्न भएको छ । यसले नेपाली खेलाडीको क्षमता अभिवृद्धि गर्न महत्वपूर्ण योगदान गरेको छ । प्रतियोगितामा सहभागी सबै समूह, आयोजक, व्यवस्थापक, खेलप्रेमी दिदीबहिनी तथा दाजुभाइमा हार्दिक धन्यवाद व्यक्त गर्दछु ।”
प्रतिक्रिया राख्नुहोस्