प्रधानमन्त्री केपी शर्मा ओलीले नेपाल प्रिमियर लिग (एनपिएल) को उपाधि जित्न सफल जनकपुर बोल्ट्सलाई बधाई दिनुभएको छ ।
प्रधानमन्त्रीले सामाजिक सञ्जालमार्फत आजको खेलमा पराजित भए पनिन सुदूरपश्चिम रोयल्सको पनि राम्रो प्रदर्शन रहेको बताउनुभएको छ ।
उहाँले एनपिएलको समापनसँगै नेपाली क्रिकेटको महापर्व सम्पन्न भएको बताउँदै एनपिएलमा सहभागी टिम र आयोजक तथा व्यवस्थापक सबैलाई धन्यवाद भन्नुभएको छ ।
कीर्तिपुरथित त्रिवि क्रिकेट मैदानमा शनिबार सम्पन्न फाइनल खेलमा सुदूरपश्चिम रोयल्सलाई पाँच विकेटले हराउँदै जनकपुरले पहिलो संस्करणकोे एनपिएलको उपाधि जितेको हो ।
प्रतिक्रिया राख्नुहोस्