प्रधानमन्त्री पुष्पकमल दाहाल प्रचण्डसहितका मन्त्रीहरुले यसपटक राष्ट्रिय पोशाक पहिरिएर शपथग्रहण गर्नुभयो । प्रधानमन्त्री प्रचण्डले आफ्नो शपथ लगत्तै ३ उपप्रधानमन्त्री सहित ८ सदस्यीय मन्त्रिपरिषद गठन गर्नुभएको छ ।
उपप्रधानमन्त्रीमा नेकपा एमालेका विष्णु पौडेल, माओवादी केन्द्रका नारायणकाजी श्रेष्ठ र राष्ट्रिय स्वतन्त्र पार्टीका रवि लामिछाने हुनुहुन्छ । पौडेलले अर्थ, श्रेष्ठले भौतिक पूर्वाधार र लामिछानेले गृह मन्त्रालय सम्हाल्नु हुनेछ ।
त्यसै गरी मन्त्रीहरुमा ज्वालाकुमारी साह, दामोदर भण्डारी, राजेन्द्र राई र अब्दुल खान रहनुभएको छ । उहाँहरुको कार्यभार पछि तोकिनेछ ।
३ जना उपप्रधानमन्त्री र ३ जना मन्त्रीहरुले सोमबार नै शपथ लिएका छन् । मन्त्री ज्वालाकुमारी साह भने शपथ समारोहमा अनुपस्थित भएकी छन् ।
प्रतिक्रिया राख्नुहोस्