अन्तर्राष्ट्रिय बजारमा सुनको मूल्य सामन्य घटेसँगै त्यसको प्रभाव स्थानीय बजारमा पनि परेकोे छ । आज सुन र चाँदीको मूल्य सामान्य घटेको हो ।
गत शुक्रबारको तुलानामा आज प्रतितोला सुनको मूल्य रू पाँच सयले घटेको हो । शुक्रबार प्रतितोला रू एक लाख ५० हजार सात सयमा कारोबार भएको सुन आज बजार खुलेसँगै रू एक लाख ५० हजार दुई सयमा खरिदबिक्री भएको नेपाल सुनचाँदी व्यवसायी महासङ्घले जनाएको छ ।
यस्तै चाँदीको मूल्य पनि घटेको छ । शुक्रबार तोलामा १ हजार ८१५ रुपैयाँ कायम भएको चाँदीको मूल्य आज २५ रुपैयाँ घट्दै एक हजार ७९० मा कारोबार भएको महासंघको भनाइ छ ।
प्रतिक्रिया राख्नुहोस्