एक हजारले घट्यो सुनको मूल्य, आज कति छ तोलाको ?

पुस १६ गते मंगलबार आज सुन र चाँदीको मूल्य घटेको छ । हिजो सोमबारको तुलनामा आज सुन प्रतितोला रू एक हजार र चाँदी प्रतितोला रू तीसले घटेको छ ।

सोमबार प्रतितोला रू एक लाख ५० हजार छ सयमा कारोबार भएको सुनको मूल्य आजका लागि रू एक लाख ४९ हजार छ सय कायम भएको नेपाल सुनचाँदी व्यवसायी महासङ्घले जनाएको छ ।

यस्तै, निर्धारित मूल्यअनुसार आज चाँदी प्रतितोला रू एक हजार सात सय ६५ मा कारोबार भइरहेको छ । सोमबार चाँदी प्रतितोला एक हजार सात सय ९५ रुपैयाँमा कारोबार भएको थियो ।