कोरोना भारस संक्रमणको त्रासले अहिले अति आवश्यक सेवा प्रवाह गर्ने निकायहरु समेत सुरक्षा अभाव देखाउँदै जिम्मेवारीबाट पन्छिने गरेपछि शैक्षिक परामर्शदाताा प्रोमिस सर्भिस बागबजारले विभिन्न निकायलाई पिपिई वितरण गरेको छ ।
प्रोमिसका एमडी रामहरि खड्काका अनुसार त्रिवि शिक्षण अस्पताल, जोरपाटीस्थित शंखरापुर अस्पताल, गोकर्णेश्वर नगरपालिका र कागेश्वरी मनोहरा र शंखरापुर नगरपालिका तथा महानगरीय प्रहरी वृत्त साँखुलाई पिपिई वितरण गरिएको हो ।
पछिल्लो समय एम्बुलेन्स चालक, चिकित्सक तथा प्रहरीहरु पनि पिपिईको अभावमा आफ्नो सेवामा पिपिईको अभावमा पछाडि हट्ने गरेको पाइएपछि नगपालिकाहरुमार्फत एम्बुलेन्स चालकलाई उपलब्ध हुने गरी ती पिपिई हस्तान्तरण गरिएको खड्काले बताउनुभयो ।
त्यसै गरी खड्काले बजारमा केही महंगो भए पनि पिपिइृको अभाव नभएको आफूले पाएको बताउँदै पिपिइको अभाव देखाएर जिम्मेवारीबाट पन्छिने प्रवृत्ति बढेको दावी समेत गर्नुभएको छ । कुनै दुर्घटना भए प्रहरी नजाने, बिरामी बोक्न एम्बुलेन्स चालक नमान्ने र अस्पतालमा चिकित्सकहरु उपचारमा उदासिन रहने गरेको देखेरै आफूले काठमाडौंमा किनेरै पिपिई वितरण गरेको उहाँले बताउनुभयो ।
पछिल्लो समय कोरोना संक्रमणको त्रास देखाएर एम्बुलेन्स चालकहरु बिरामी लिन नजाने गरेका कारण तीन नगरपालिकामार्फ सम्बन्धित क्षेत्रका एम्बुलेन्स चालकलाई ती पिपिई हस्तान्तरण गरिएको खड्काले बताउनुभयो ।
प्रतिक्रिया राख्नुहोस्