कोरोना भाइरस संक्रमण दिनदिनै बढिरहेको राजधानी टोकियोमा अब नागरिकका दैनिक आवश्यक खाद्यान्न खरीदका लागि तीन दिनमा एक दिन मात्र घर बाहिर निस्कन आग्रह गरिएको छ । टोकियोका गभर्नर युरिको कोइकेले बिहिबार सो आग्रह गर्नुभएको हो ।
संक्रमण नियन्त्रणका लागि सरकारले देशभर संकटकाल लागू गरी नागरिकलाई घरघरमै बस्न अनुरोध गरेपछि व्यस्त शहरी क्षेत्रमा भिडभाड कम भए पनि सपिंग सेन्टर र सुपरमार्केटहरुमा अत्यधिक भिड हुने गरेकाले त्यस्तो अपिल गरिएको हो ।
बिहिबार साझ पत्रकार सम्मेलनमा कोइकेले सुपरमार्केट र उद्योगहरुमा भीडभाड कम गर्ने नयाँ योजना बनाउनु आवश्यकतामा जोड दिंदै ग्राहकहरुलाई सूची गर्ने, सामान राख्ने बास्केटको संख्या घटाउने वृद्धवृद्धा तथा शारीरक असक्तहरुका लागि बेग्लै समय निर्धारण गर्ने लगायतका रहेका छन् ।
अहिलेसम्म राजधानी टोकियोमा ३ हजार ५ सय ७० जना संक्रमित पुष्टि भैसकेको छ भने बिहिबार मात्रै १ सय ३४ जना नयाँ संक्रमित थपिएका थिए । त्यसै गरी अहिलेसम्म ८७ जनाको मृत्यु भैसकेको छ ।
यस्तै गभर्नर कोईकेले यस वर्षको गोल्डेन विकलाई स्टे एट होम घरमै वस्न विशेष अनुरोध गर्दै आगामी शनिबार देखि अप्रिल ६ तारिकसम्म बाहिर ननिस्कन अनुरोध गरेकी छन।
(यस अघि समाचारको शिर्षकमा असावधानीवस त्रुटि भएकाले सम्पादन गरिएको छ।यसबाट पर्न गएको असरप्रति क्षमायाचना गर्दछौ।-सम्पादक)
प्रतिक्रिया राख्नुहोस्