काठमाडौंको असनका एक ९४ वर्षीय वृद्धको कोरोना भाइरस संक्रमणबाट मृत्यु भएको छ । निमोनियाको ती वृद्धको भदौ १ गते राति १० बजे मृत्यु भएको थियो । भदौ २ गते स्वाब संकलन गरेर परीक्षण गर्दा कोरोना संक्रमण पुष्टि भएको हो ।
स्वास्थ्य तथा जनसङ्ख्या मन्त्रालयका सह प्रवक्ता डा समीरकुमार अधिकारीका अनुसार ती पुरुष निमोनियाको बिरामी थिए भने छाती सम्बन्धी पुरानो रोग थियो । सहप्रवक्ता अधिकारीका अनुसार उहाँको असमायिक निधन भएपछि स्वाब संकलन गरिएको थियो ।
o;} u/L वीरगञ्जमा कोरोना संक्रमणका कारण थप एक जनाको मृत्यु भएको छ । वीरगञ्ज महानगरपालिका रेशमकोठीकी कोरोना संक्रमित ४० वर्षीया महिलाको उपचारका क्रममा मृत्यु भएको हो ।
स्वास्थ्यमा समस्या आएर ४ दिनदेखि निजी अस्पतालमा उपचार गराइरहेकी उनलाई भदौ २ गते कोरोना संक्रमण पुष्टि भएको थियो । वीरगञ्ज हेल्थ केयर कोभिड अस्पतालमा उपचारको क्रममा बुधबार दिउँसो सवा ४ बजे उनको मृत्यु भएको जिल्ला प्रशासन कार्यालय पर्साले जनाएको छ ।
असन्तुलित मधुमेहको विरामी उनमा कोभिड निमोनिया समेत देखिएको उपचारमा संलग्न चिकित्सकले जानकारी दिएका छन् ।
कोभिड अस्पतालका संयोजक डा. उदय नारायण सिंहका अनुसार आइसोलेसनमा हुँदा उनले छाती दुख्यो भनेकी थिइन् । ‘ड्युटीमा रहेका चिकित्सकले चेकजाँच शुरु गरे ५/७ मिनेट भित्रै उनको मृत्यु भयो’ उनले भने ‘हर्ट अट्याकमा जस्तो मुटुको नली जाम भएर मृत्यु भएको अनुमान हुन सक्ने गरेका छौं ।’
प्रतिक्रिया राख्नुहोस्