विश्व फुटबलका शताब्दीकै महान खेलाडी अर्जेन्टिनाका पूर्वकप्तान डिएगो म्याराडोनाको ६० वर्षको उमेरमा हृदयाघातका कारण निधन भएको छ । म्याराडोना उनी आर्जेन्टिनाले सन् १९८६ मा विश्वकप जित्दा क्याप्टेन थिए ।
पछिल्लोे समय मदिराकोा लतमा फसेका म्याराडोनाको नोभेम्बर महिनाको सुरुमा सफलतापूर्वक मस्तिष्कको शल्यक्रिया गरिएको थियो र उनको मदिरामाथिको निर्भरताको पनि उपचार गरिँदै थियो । तर बुधबार घरमै हृदयघातका कारण उनको निधन भयो ।
आर्जेन्टिनाका राष्ट्रपतिले राष्ट्रपति अर्बेर्टो फेर्नान्डेशले तीन दिनको राष्ट्रिय शोकको घोषणा गर्दै भन्नुभएको छ तिमिले हामीलाई विश्वको उच्च तहमा पुर्यायौ, हामीलाई निकै खुशी दियौ । हामीले सधैँ तिमिलाई सम्झिरहने छौँ ।
त्यस्तै आर्जेन्टिनी फुटबल एशोसिएसनले ट्वीटर सन्देशमा म्याराडोनाको निधनप्रति गहिरो दुख व्यक्त गर्दै म्याराडोना सधैँ हाम्रो हृदयमा रहने बताएको छ ।
आर्जेन्टिनाका जनता आफ्ना सम्भवतः सबैभन्दा प्रख्यात छोरा महान फुटबल खेलाडी डिएगो म्याराडोनाको निधनको शोकमा परेका छन् । आफ्नो विशिष्ट प्रदर्शनका कारण सन् १९८६ को विश्वकपमा देशको जीत सुनिश्चित गरिदिएका ती नक्षत्र गुमाउनु पर्दाको शोक प्रकट गर्न मानिसहरू सडकमा उत्रिएका छन् ।
राजधानी बेनोस आइरिजको केन्द्रभाग र म्यारोडोनाले खेलेको रङ्गशाला आसपासमा मानिसहरूको भीड छ । उनी सन् १९८२ को विश्व कप फुटबलबाट चर्चित बनेका थिए । त्यसबेला उनी २१ वर्षका थिए ।
म्याराडोनाले बार्सिलोना र नापोली फुटबल क्लबबाट पनि खेलेका थिए । आर्जेन्टिनाको तर्फबाट चारवटा विश्वकप खेलेका उनले ९१ वटा खेलमा ३४ गोल गरेका थिए।
यसै गरी उनको निधनप्रति विश्वभरीबाट शोक व्यक्त गरिएको छ । ब्रजिलका ख्यातिप्राप्त खेलाडी पेलेले ट्वीटरमा लेखेका छन् । कस्तो दुखद खबर, मैले एक महान साथी र विश्वले प्रख्यात खेलाडी गुमायो ।
विश्व फुटबलबाट म्याराडोनाको निधनमा शोक प्रकट गरिनुका साथै उनको प्रशंसा भइरहेको छ । आर्जेन्टिनाका लियोनल मेस्सीले म्याराडोना सर्वकालिक रहेको टिप्पणी गरेका छन् ।
क्रिस्टियानो रोनाल्डोले उनलाई फुटबलका अद्वितीय जादुगरको संज्ञा दिए । इटलीमा म्याराडोनाले आफ्नो उत्कृष्ट क्लब फुटबल खेलेका नापोलीका प्रशंसकहरूले पनि सडकमा उत्रिएर श्रद्धा व्यक्त गरिरहेका छन् ।
प्रतिक्रिया राख्नुहोस्