बालुवाटारस्थित सरकारी जग्गा ललितानिवास प्रकरणमा भ्रष्टाचारको मुद्दा दायर भएपछि भूमिगत रहनुभएका नेपाली काँग्रेसका उपसभापति विजयकुमार गच्छदार सभापति शेरहादुर देउवाको नेतृत्वमा नयाँ सरकार गठन भएलगत्तै अदालतमा हाजिर हुनुभएको छ ।
मंगलबार देउवाले प्रधानमन्त्रीकोा शपथ गरेर पदभार गहण गरेपछि उपसभापति गच्छदार बुधबार विशेष अदालमा हाजिर हुनुभएको हो । विशेष अदालतका उपरष्ट्रिार एवं प्रवक्ता पुष्पराज पाण्डेयका अनुसार गच्छदार बिहान १० बजे अदालतमा हाजिर हुनुभएको हो ।
अदालतमा हाजिर भएलगत्तै गच्छदारसँग बयान लिइरहेको छ । २०७६ माघ २२ गते अख्तियार दुरुपयोग अनुसन्धान आयोगले गच्छदारसहित १७५ जनालाई प्रतिवादी बनाएर विशेष अदालतमा भ्रष्टाचार निवारण ऐन, २०५९ अनुसार मुद्दा दायर गरेको थियो ।
मुद्दामा ११० जनालाई भ्रष्टाचारको कसुरमा र ६५ जनालाई जग्गा जफत गर्ने प्रयोजनका लागि प्रतिवादी बनाइएको थियो ।
प्रतिक्रिया राख्नुहोस्