राष्ट्रिय प्रजातन्त्र पार्टीको प्रवासी नेपालीहरुको संगठन प्रवासी नेपाली संगठन ओभरसीज नेप्लिज अर्गनाईजेशन (ओनो)जापानको पुनर्गठित कार्यसमितिले पूर्णता पाएको छ। हालै सम्पन्न एक भेलाले जापान अध्यक्षमा नवीन चन्दलाई सर्वसम्मत चयन गरेको छ ।
नेपालमा हिन्दु राष्ट्र र राजसंस्था पुनस्थापना गर्ने एजेण्ड बोकेका राप्रपा केन्द्रीय अध्यक्षमा राजेन्द्र लिङ्देन निर्वाचित भएपछि राप्रपाको प्रवासकमिटिमा पनि मनोनित र कार्यसमिति निर्माणमा तिब्रता आएसंगै जापान कमिटी विस्तार गरिएको बताइएको छ ।
ओनो जापानका संरक्षक रघुदीप खड्काको उपस्थितिमा टोकियोमा सम्पन्न बैठकले चन्दको नेतृत्वमा नयॅा कार्यसमितिलाई चयन गरेको हो । नवगठित कार्यसम्तिको वरिष्ठ उपाध्यक्षमा सुशीलवीर जबरा, उपाध्यक्ष लक्ष्मण ढकाल, महासचिव खगेन्द्र चापागाईँ र सचिव आशीष भुजेल चयनभएका छन् । यस्तै सदस्यहरूमा विशालविक्रम शाही, ललित ऐर, निराजन चन्द, राज चन्द र चिरञ्जीवी पाठक चयन भएका छन ।
यसैगरी ओनो जापानको संरक्षक एवं सल्लाहकारमा रघुदीप खड्का र कलेन्द्रविक्रम शाही चयन भएका छन् । नवनिर्वाचित अध्यक्ष चन्दले राप्रपामा भएको पुस्तान्तरण पछि पार्टीको संगठन विस्तार गतिविधीमा नयॅा जोश देखिएको बताउनु भयो ।
नयाँ नेतृत्वमा आएका राप्रपा केन्द्रीय अध्यक्ष राजेन्द्र लिङ्देनले राप्रपाको राष्ट्रिय राजनीतिमा अझै महत्त्वपूर्ण भूमिका हुने उनले बताए ।लिङ्देनले नेतृत्व लिएपछि देश तथा विदेशमा रहेका हजारौं राष्ट्रवादी नागरिकहरूमा उत्साह र आशा पलाएको ओनो जापानको दाबी गरेको छ ।
प्रतिक्रिया राख्नुहोस्