शुक्रबार विहान जापानको पश्चिम शहर नाराको चुनावी कार्यक्रममा सहभागी हुनुभएका जापानका पूर्व प्रधानमन्त्री शिन्जो आबेमाथि गोली प्रहार गर्ने एकजनालाई पक्राउ गरिएको छ ।

आबेले भाषण गरिरहेका बखत पछािडबाट गोली हान्ने ४१ वर्षीय यामागामी तेत्सुयालाई प्रहरीले बन्दुकसहित पक्राउ गरेको हो । गोली प्रहारबाट घाइते आबेको अवस्था गम्भीर रहेको बताइएको छ ।

घाइते आबेको तत्कालै हेलिकप्टरमार्फत् उपचारका लागि अस्पताल लगिएको थियो । उहाँलाई काशीहारा शहरको नारा मेडिकल विश्वविद्यालयमा उपचार भैरहेको छ ।

यही जुलाई १० तारिखमा हुने माथिल्लो सदनको चुनावी अभियान अन्तर्गत नारामा लिबरल डेमोक्रेटिक पार्टीका उम्मेदवारको प्रचारमा उहाँ सक्रिय हुनुहुन्थ्यो ।

पूर्व प्रधानमन्त्री आबेमाथि गोली प्रहार