कास्की क्षेत्र नं. २ प्रतिनिधिसभा सदस्य पदमा एमालेकी विद्या भट्टराई निर्वाचित हुनुभएको छ । उहाँ सोही क्षेत्रका निवर्तमान सांसद पनि हुनुहुन्छ ।
ममतगणना सुरु भएदेखि राष्ट्रिय स्वतन्त्र पार्टीका उम्मेदवारले अग्रता लिए पनि अन्तमा भट्टराईले चार हजारभन्दा बढी मतान्तरले विजयी हुनुभएको हो ।
भट्टराइले १६ हजार ९ सय ९८ मत प्राप्त गर्नुुभयो भने उहाँका निकटतम प्रतिद्वन्द्वी राष्ट्रिय स्वतन्त्र पार्टीका माधवप्रसाद कँडेलले १२ हजार ४ सय ९५ मत प्राप्त गर्नुभयो ।
यसैगरी गठबन्धनका उम्मेदवार नेकपा (एकीकृत समाजवादी)का श्रीनाथ बरालले भने नौ हजार छ सय ५९ मत प्राप्त गरेर तेस्रो स्थानमा रहनुभयो ।
सो क्षेत्रमा ७९ हजार एक सय मतदाता रहेकामा ४९ हजार नौ सय २० मत खसेको थियो । तीन निर्वाचन क्षेत्र रहेको कास्कीका बाँकी दुई क्षेत्रमा पनि नेकपा एमालेका उम्मेदवारहरुले अग्रता लिइरहेका छन् ।
प्रतिक्रिया राख्नुहोस्