संयुक्त अरब इमिरेट्समा सम्पन्न आईसीसी यु १९ विश्वपको एसिया समूहबाट नेपाल विजेता बन्दै सन् २०२४ मा हुने विश्वकपमा छनोट भएको छ । सन् २०१६ यता नेपालले पहिलोपल्ट उमेर समूहको क्रिकेट विश्वकप खेल्न लागेको हो ।
छनोट चरणको अन्तिम खेलमा संयुक्त अरब इमिरेट्सलाई ७ रनले पराजित गर्दै नेपाल ७ वर्षपछि विश्वकप खेल्न छनोट भएको हो ।
एक समय हारको नजिक पुगेको नेपालका लागि दीपेश कँडेलले ह्याट्रिक विकेट लिएपछि निर्णायक खेलमा यूएईमाथि ७ रनको रोमान्चक जित निकाल्दै नेपाली टिम अर्को वर्ष श्रीलंकामा हुने यू–१९ विश्वकपका लागि छनोट भएको हो ।
यूएईको अजमानमा टस हारेर ब्याटिङ गरेको नेपालले देव खनालको अर्धशतक सहयोगमा १९१ रनको योगफल बनाएको थियो । नेपालले दिएको १९२ रजको लक्ष्य पछ्याएको युएई ४८ ओभरमा सबै विकेट गुमाएर १८४ रनमात्र बनाउन सक्यो ।
प्रतिक्रिया राख्नुहोस्