पर्वत जिल्लाका गरीब तथा जेहेन्दार विद्यार्थीलाई छात्रवृत्ति प्रदान गर्ने उद्देश्यका साथ पर्वत समाज जापानले आयोजना गर्न लागेको रमाइलो म्युजिक एक्प्रेस सांगीतिक कार्यक्रमको अन्तिम चरणमा पुगेको छ ।
समाजले आइतबार राजधानी टोकियोमा एक पत्रकार सम्मेलन गरी जापानका विभिन्न शहरहरुमा आयोजना हुने सांगीतिक कार्यक्रमको तयारी अन्तिम चरणमा पुगेको जानकारी दिएको हो ।
नेपालबाट आमन्त्रित बहुचर्चित कलाकारहरु कुलेन्द्र विश्वकर्मा, बिमल राज क्षेत्री, एलिना चौहान र सुस्मिता क्षेत्रीको बेजोड प्रस्तुति हुने भएको छ, कलाकारको टोली आईतबार नै जापान आइपुगेका छन ।
रमाइलो म्युजिक एक्प्रेस नाम दिईएको सांगीतिक कार्यक्रम आज मे २२ तारिख सोमवार फुकुओकामा आयोजना हुँदैछ । यसै गरी यही मे २८ तारिख आईतवार साँझ ६ बजेबाट टोकियोको नाकानो जेरो हलमा हुने छ भने जुन ४ तारिख आइतवारलाई र निगातामा कार्यक्रम तय भएको समाजका महासचिव राम बाँस्तोलासँग सम्पर्क गर्न आग्रह गरिएको छ ।
नेपाली मौलिक संस्कृतिको प्रचार प्रसार सँगै जापान र नेपालको संस्कृति आदानप्रदानमा सहयोग पुर्याउनुका साथै गरीब तथा जेहेन्दार विद्यार्थीलाई छात्रवृत्ति प्रदान गरी पठनपाठनमा सघाउनु मुख्य उद्देश्य रहेको समाजका अध्यक्ष सुभास लामिछानेले बताउनुभयो ।
प्रतिक्रिया राख्नुहोस्