जिम्बावेमा जारी रहेको आइसीसी विश्वकप छनोटको अन्तर्गत सातौ स्थानका लागि नेपाल र आयरल्यान्ड भिड्दै छन् । सुपर सिक्समा पुग्न असफल यी दुई राष्ट्र आज (मंगलबार) सातौ स्थानको लागि खेल्न लागेका हुन् ।
नेपाल र आयरल्यान्डबीचको खेल जिम्बावेको हरारेमा रहेको टाकासिंगा स्पोर्टस् क्लबमा नेपाली समय अनुसार मध्यान्ह पौने १ बाट सुरु हुनेछ । आयरल्यान्डसँग नेपालको यो पहिलो एदिवासिया खेल हो । आयरल्यान्ड टेस्ट मान्यता प्राप्त मुलुक हो ।
नेपाल आयरल्यान्डलाई पराजित गर्दै प्रतियोगितामा सुखद अन्त्य गर्ने योजनामा रहेको छ भने आयरल्यान्ड पनि नेपाललाई पराजित गर्ने सुरमा रहेको छ । सातौं स्थानको लागि भएको दोस्रो सेमिफाइनल खेलमा युएईलाई ३ विकेटले पराजित गर्दै नेपाल फाइनलमा प्रवेश गरेको हो भने पहिलो सेमिफाइनलमा आयरल्यान्डले अमेरिकालाई ६ विकेटले पराजित गर्दै फाइनल पुगेको हो ।
नेपाल समूह ‘ए’ बाट ४ खेलमा ३ मा हार र १ मा जित सहित चौथो स्थानमा रहेर बाहिरिएको थियो भने आयरल्यान्ड पनि ४ खेलमा ३ मा हार र १ मा जितससहित चौथो स्थानमा रहेर समूह ‘बी’ बाट सुपर सिक्स पुग्न सकेको थिएन ।
प्रतिक्रिया राख्नुहोस्