देशभन्दा ठूलो अरु केही हुँदैन भन्दै अदालतको आदेश समेत नमान्ने घोषणा गर्नुभएका काठमाडौं महानगरपालिकाका प्रमुख बालेन साहले चीनले गरेको नेपालको स्वाधिनता बिरोधी कदमलाई कडा जवाफ फर्काउनुभएको छ ।
चीनले केही दिनपहिले जारी गरेको राजनीतिक नक्सामा नेपालको चुच्चे नक्साको साटो पुरानै नक्सा राखेपछि यसको बिरोधमा महानगरप्रमुख बालेनले नैतिकताको आधारमा निर्धातिर चीन भ्रमण रद्द गरेको घोषणा गर्नुभएको छ ।
मेयर बालेनले यसअघि भारतले नेपाली भूमि लिम्बिनीलाई भारतको भनेर संसद भवनमा नक्सा टाँसेपछि आफ्नो कार्यकक्षमा ग्रेटर नेपालको नक्सा राख्नुभएको थियो ।
त्यस्तै हिन्दी चलचित्र आदिपुरुषमा सीता भारतकी छोरी भनेको बिरोधमा सो चलचित्र काठमाडौंमा प्रतिबन्ध लगाउनुभयो भने भारतीय पक्षले अटेर गरेपछि काठमाडौंमा हिन्दी चलचित्र नै प्रतिबद्ध लगाउनुभयो ।
यस बिरुद्ध सर्वोच्च अदालतमा रीट परेपछि अदालतले चलचित्र प्रदर्शनको आदेश दियो । प्रतिउत्तरमा बालेनले देशको स्वाभिमानको सवालमा अदालतको आदेश मानिंदैन भन्दै चुनौति दिनुभयो ।
पछिल्लो समय चीनले उसको नक्सामा २०७७ सालमा नेपालले जारी गरेको चुच्चे नक्सा हटाउँदै लिपुलेक, कालापानी र लिम्पियाधुरा भारतमा पारेपछि बालेनले नैतकताका आधारमा ५ दिने चीन भ्रमणमा नजाने घोषणा गर्नुभएको हो ।
प्रतिक्रिया राख्नुहोस्