राष्ट्रिय स्वतन्त्र पार्टीका सभापति रवि लामिछानेले सरकारलको सिफारिशमा राष्ट्रपतिले ज्यानमारा अभियोगमा आजीवन काराबास सजाय भोगेका व्यक्तिलाई आममाफी दिएकोमा संसदमा आपत्ति जनाउनुभएको छ ।
उहाले संविधान दिवसका अवसरमा राष्ट्रपति निवासमा आयोजित भोज अपराधी छाडेको खुसियालीमा दिएको जस्तो भयो भन्दै त्यतिबेला आफू रोल्पामा रहेको बताउँदै सो धारणा राख्नुभएको हो ।
लामो समयपछि आइतबार सुरु भएको प्रतिनिधिसभा बैठकमा बोल्दै लामिछानेले संविधान दिवसको अवसरमा आममाफी दिएकोप्रति असन्तुष्टि जनाउँदै सो कुरा बताउनुभएको हो ।
त्यसै गरी उहाँले पेट्रोलियम पदार्थमा भएको मूल्यवृद्धिको निर्णय फिर्ता लिएकोमा सरकारलाई धन्यावाद दिनुभएको छ ।
सभापति लामिछानेले निगमले स्वचालित मूल्य प्रणालीअनुसार बढेको समयमा मूल्य बढाउने तर घटेको समयमा मूल्य नघटाउने गरेको आरोप समेत लगाउनुभयो ।
“आयाल निगम पेट्रोलियम पदार्थ आफै आयात गर्छ, आफै व्यापार गर्छ र नियमन पनि आफै गर्छ”, उहाँले भन्नुभयो, “कर्मचारीलाई बोनस बाँड्न पनि भ्याउँछ तर सधैँ घाटामा रहन्छ । देशले यो घाटा कहिलेसम्म सहिरहनुपर्ने हो ?”
प्रतिक्रिया राख्नुहोस्