संयुक्त राष्ट्र सङ्घीय शैक्षिक, वैज्ञानिक तथा सांस्कृतिक सङ्गठन (युनेस्को)को आव्हानमा आज असोज १८ गते विश्व शिक्षक दिवस मनाइँदैछ ।
यस वर्षको दिवसको नारा ‘हामीले चाहेको शिक्षाका लागि शिक्षकहरु चाहिन्छ स् शिक्षक अभाव सम्बोधन गर्न विश्वव्यापी ऐक्यबद्धता’ रहेको छ ।
नेपाल शिक्षक महासङ्घले नेपाल सरकारसँग यही असोज ५ गते भएको सहमतिअनुसार विद्यालय शिक्षासम्बन्धी विधेयक पारित गराउन दबाब दिन सबै शिक्षक र कर्मचारीमा सफलता मिलोस् भनी दिवसको शुभकामना दिएको छ ।
समाजमा शिक्षकको भूमिका स्थापित गर्न सन् १९९४ देखि यो दिवस मनाउन थालिएको हो । नेपालीहरुले हरेक वर्ष आषाढ शुक्ल पूर्णिमाका दिन गुरुपूर्णिमाका रुपमा शिक्षकहरुको सम्मानमा दिवस मनाउने गरिए पनि विश्वव्यापी मान्यतालाई पनि आत्मसात गर्दै शिक्षक दिवस मनाउने गरिन्छ ।
प्रतिक्रिया राख्नुहोस्