नेपाल, संयुक्त अरब इमिरेट्स (युएई) र हङ्कङ सहभागी भएको त्रिकोणात्मक टी–२० क्रिकेट सिरिजअन्तर्गत आज नेपालले चौथों खेल खेल्दै छ । जारी सिरिजमा एक खेल अगावै फाइनल प्रवेश गरिसकेको नेपालले आज दोस्रो पटक यूएईसँग खेल्न लागेको हो ।
काठमाडौँको माथिल्लो मूलपानी क्रिकेट मैदानमा हुने खेल नेपाली समयअनुसार बिहान ११ बजे सुरु हुनेछ । जारी सिरिज अन्तर्गत यसअघि भएको पहिलो खेलमा नेपालले युएईलाई ७ विकेटले पराजित गरेको थियो । नेपाल आज अपराजित रहँदै फाइनल पुग्ने योजनामा छ भने उता युएई पनि घरेलु टोलीलाई पराजित गर्दै फाइनल प्रवेश गर्न चाहन्छ।
नेपाल ३ खेलमा ६ अङ्क जोड्दै शीर्ष स्थानमा छ भने यूएई २ खेलबाट २ अङ्कसहित दोस्रो स्थानमा छ । हङकङ भने ३ खेलमा अङ्कबिहीन हुँदै पुछारमा रहेको छ ।
नेपाली टोलीमा कप्तान रोहितकुमार पौडेल, आशिफ शेख, कुशल भुर्तेल, कुशल मल्ल, दीपेन्द्रसिंह ऐरी, सन्दीप जोरा, गुल्सन झा, सोमपाल कामी, करण केसी, प्रतिश जिसी, ललितनारायण राजवंशी, अभिनाश बोहरा, विवेक यादव, सागर ढकाल, विनोद भण्डारी, लोकेश बम, सूर्य तामाङ र श्याम (मौसम) ढकाल रहेका छन् ।
प्रतिक्रिया राख्नुहोस्