युवाका लागि खेलकूद भन्ने मुल नाराकासाथ गैरआवासीय नेपाली संघ (एनआरएनए) जापानको आयोजनामा दोस्रो ‘एनआरएनए फुटसल रनिङ कप २०२४’ आउँदो मार्चमा हुने भएको छ ।
एनआरएनए राष्ट्रिय समन्वय परिषद् जापानको आयोजनामा हुने प्रतियोगिता मार्च ३ आइतबारदेखि हुने र सहभागिताका लागि टि दर्ताको समय फेब्रुअरी २३ तारिखसम्म राखिएको छ ।
चिवा स्थित जेड फुटसल स्पोर्टस् ८५ माएगासकी नागारेयामा हुने प्रतियोगिताका लागि जापानमा रहेका नेपाली फुटसल क्लबहरुले सहभागिता जनाउनेछन् ।
प्रतियोगितामा विजेताले पाँच लाख ५५ हजार पाँच सय ५५ येन सहित रनिङ कप, प्रमाण पत्र र ट्रफी प्राप्त गर्नेछन् भने फस्ट रनर अपले तीन लाख ३३ हजार तीन सय ३३ येन, प्रमाण पत्र र ट्रफी पाउनेछन् ।
त्यसै गरी सेकेन्ड रनर अप हुने टिमले एक लाख ११ हजार एक सय ११ येनसहित प्रमाण पत्र र ट्रफी पाउनेछन्। त्यस्तै खेलाडीलाई अनुशासित र हौसला प्रदान गर्न द–फेयर प्ले अवार्ड टिमलाई ४० हजार यन प्रदान गरिनेछ।
त्यसैगरी वेष्ट प्लेयर, वेष्ट गोलकिपर, द–टप स्कोरर, द–वेष्ट कोच टिमलाई समेत १०र१० हजार जापानी येन र म्यान अफ दि म्याचलाई ट्रफी प्रदान गरिने बताइएको छ ।
एनआरएनए जापानका अध्यक्ष नविन निउरेले प्रवासमा रहेका युवाहरुलाई खेल क्षेत्रमार्फत सामाजिक सेवामा सहभागी हुन उत्साहित बनाउँदै एनआरएनएको अभियानमा जोड्न प्रतियोगिता फलदायी हुनेमा आफू विश्वस्त रहेको बताउनुभयो ।
एनआरएनए जापान आयोजक रहेको प्रतियोगिताको सह–आयोजक एनआरएनए जापान क्षेत्रीय समिति चिवा रहेको छभने एनआरएनए जापानका ११ वटै क्षेत्रीय समितिको सहयोगमा प्रतियोगिता हुने बताइएको छ।
प्रतिक्रिया राख्नुहोस्