देशका विभिन्न स्थानमा आगलागीबाट विभिन्न धनमाल जलेर नष्ट भएको छ । काठमाडौं महानगरपलिका-३२ छाप्रो पिपलको बोटस्थित अमृत शाहीको हाल संचालनमा नरहेको स्वागतम खाजा घर एण्ड रेष्टुरेन्टमा शुक्रबार राति आगलागी हुँदा टेबुल, खाट, र्याक, दराज, भाँडावर्तन लगायतका सामान जलेर करिब १० लाख रूपैयाँ बराबरको धनमाल नष्ट भएको छ ।
त्यस्तै दोलखा, मेलुङ गाउँपालिका-७ जिम्बल टोल बाटाहरा बस्ने भिम बहादुर खड्काको घर र गोठमा शुक्रबार दिउँसो आगलागी हुँदा लत्ताकपडा, भाँडावर्तन, अन्नपात लगायतका सरसामान जलेर करिब ११ लाख ७५ हजार रूपैयाँ बराबरको धनमाल नष्ट भएको छ ।
यस्तै सप्तरी, तिलाठी कोईलाडी गाउँपालिका-२ लवनिया बस्ने भरत साफी, हरी कृष्ण मण्डल र दिपेन मण्डलको घरमा गएराति आगलागी हुँदा करिब २ लाख ७० हजार रूपैयाँ बराबरको धनमाल जलेर नष्ट भएको छ । प्रहरीले स्थानिय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।
प्रतिक्रिया राख्नुहोस्