जन सरोकार
पर्खालले च्यापिएर मृत्यु
खानेपानीको काम गर्ने क्रममा मकवानपुरको हेटौँडामा शुक्रबार एकजनाको मृत्यु भएको छ । हेटौँडा उपमहानगरपालिका–५ सिँचाइटोलका रामचन्द्र शर्मा देवकोटाको घरमा खानेपानीको काम गर्ने क्रममा सोही टोलका ४० वर्षीय बसन्त महर्जनको ज्यान गएको हो ।
![Death](https://www.nepaljapan.com/wp-content/uploads/2018/09/Death-e1623401145812.jpg)
काम गर्दैगर्दा इँटाको पर्खाल ढल्न गई पर्खालले च्यापिएका महर्जनको उपचारको क्रममा मृत्यु भएको मकवानपुरका प्रहरी नायव उपरीक्षक लक्ष्मी भण्डारीले जानकारी दिनुभयो । खानेपानीको पाइप जोड्ने क्रममा अचानक इँटाको पर्खालले च्यापिएपछि उनी गम्भिर घाइते भएका थिए । महर्जनको उपचारको क्रममा मृत्यु भएको प्रवक्ता भण्डारीले बताउनुभयो ।
प्रतिक्रिया राख्नुहोस्