मृत अवस्थामा देशका विभिन्न स्थानबाट तीन जना फेला परेका छन् । कैलाली, घोडाघोडी नगरपालिका-१ बेलार बस्ने ६० वर्षीय मान बहादुर धामी सोही नगरपालिका-१ सितानगर स्थित डोडा नदीमा शुक्रबार मृत अवस्थामा फेला परेका छन् ।
त्यस्तै तनहुँ, म्याग्दे गाउँपालिका-६ स्थित खेतमा सोही ठाउँ बस्ने ४८ वर्षीया विष्णु माया सुनार कुमाल शुक्रबार मृत अवस्थामा फेला परेकी छिन् । यस्तै ताप्लेजुङ, सिदिङवा गाउँपालिका-१ स्थित गोठमा सोही गाउँपालिका-७ सुरुङखिम बस्ने २३ वर्षीय इन्द्र भन्ने राज कुमार गुरूङ बिहीबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।
प्रतिक्रिया राख्नुहोस्